• Emil Steinberger
    Emil Steinberger
    Actur, comicher e tat
    L'imni naziunal dovra mo ina strofa. Persuenter sto quella cuntegnair quatter linguas naziunalas. In pitschen striegn. Quai fiss in simbol per nossa unitad. Retegnientschas linguisticas impedeschan contacts. Emprender d'uffants che creschan si a moda bilingua.
  • Sonia Kälin
    Sonia Kälin
    Regina da la lutga
    Tar in nov imni tutgan per mai ils pleds libertad e democrazia. In imni po rinforzar il sentiment d'identitad ed il spiert da cuminanza d'in pievel. I dovra ina melodia cun opposiziuns, cun muntognas e valladas, pia caracteristicas tipicamain svizras.
  • Moritz Leuenberger
    Moritz Leuenberger
    Anteriur cusseglier federal
    Ussa dastg jau conceder: savens hai jau a la fin mo pli fatg ir ils lefs, perquai che jau na pudeva betg emprender a memoria las parts pateticas. Jau ma legrel sin in imni naziunal che tut las sportistas e tut ils sportists sco era tut las cusseglieras ed ils cussegliers federals vegnan a chantar dad a fin z a memoria e cun plaschair.
  • Antonio Hodgers
    Antonio Hodgers
    cusseglier naziunal da Genevra
    Da Genevra fin en il Grischun è la Svizra in pajais cun differentas culturas e linguas; era nossa istorgia n'è betg dapertut la medema. Nossa pli impurtanta fermezza èn las valurs cuminaivlas che nus partain e che nus avain determinà en il preambel da nossa Constituziun.
  • Annemarie Huber-Hotz
    Annemarie Huber-Hotz
    presidenta da la Crusch Cotschna Svizra
    Nus pudain esser engraziaivels a la Societad svizra d'utilitad publica ch'ella ha intimà cun il project "CHymne" ina discussiun davart las valurs centralas da la Svizra. Valurs sco solidaritad ed avertadad, respect e protecziun da la dignitad umana per tuts ston esser oz pli che mai la directiva per noss agir.
  • Vera Kaa
    Vera Kaa
    Chantadura
    Igl è endretg che nus faschain adina puspè patratgs davart noss pajais e nossa convivenza. I ma para fitg grev da crear insatge nov che resta e che renda giustia a tut las regiuns linguisticas. Mo la via è la finamira ed uschia èsi adina bun da sa mesirar vi dal vegl e crear insatge per il futur.
  • Cécile Bühlmann
    Cécile Bühlmann
    Cussegliera naziunala da Berna
    L'imni naziunal svizzer è patetic e n'ha da far nagut cun il preambel da nossa Constituziun federala. Là vegn numnadamain scrit da la responsabladad per la creaziun e per las generaziun futuras e che la fermezza dal pievel sa mesiria vi dal bainstar dals flaivels. A l'emprova da crear in imni che correspunda a quest spiert giavisch jau blera fortuna!
  • Jacqueline Badran
    Jacqueline Badran
    Cussegliera naziunala da Turitg ed interprendidra
    Il Psalm svizzer na tutga betg tar nossa tradiziun da tschientaners e tschientaners sco quai ch'i vegn sugerì. El è vegnì dictà dal Cussegl federal pir l'onn 1961 suenter lungas dispitas en il parlament. Nus duvrain perquai in nov text che n'è betg vegnì dictà da surengiu, cun il qual mintgin po s'identifitgar.
  • Klaus Stöhlker
    Klaus Stöhlker
    Interprendider, cussegliader da relaziuns publicas
    L'imni actual è in simbol dal vegl stadi naziunal svizzer e sa serva d'ina mistica da natira e da religiun fustga che na sa cunfa betg pli cun il 21avel tschientaner. La Svizra dovra in nov imni che correspunda a la situaziun dad oz: democratic, avert al mund, orientà vers l'avegnir.
  • Louis Schelbert
    Louis Schelbert
    Cusseglier naziunal da Lucerna
    La melodia d'in imni stuess per mai exprimer ina cuntinuitad e betg far in'impressiun uschè patetica sco l'actuala. Jau stimass, sch'il text accentuass las valurs che furman la Constituziun federala, la Decleraziun dals dretgs umans ed ina tenuta ecologica.
  • Jakob Freund
    Anteriur president central Associaziun da la musica populara
    L'imni naziunal è a medem temp in toc identitad e melodia d'identificaziun. Perquai giavisch jau in imni naziunal unic e simpel d'enconuscher.
  • Margrit Kiener Nellen
    Margrit Kiener Nellen
    Cussegliera naziunala da Berna
    Las valurs dal preambel èn per mai in'obligaziun, perquai che jau hai fatg il vut sin la Constituziun federala. La Svizra dovra in nov imni naziunal, perquai ch'igl è tranter auter gia daditg betg pli confurm al temp da pledentar sulettamain ils umens («ura liber Svizzer, ura»).
  • Yvette Jaggi
    Anteriura cussegliera dals chantuns ed anteriura presidenta da la citad da Losanna
    In imni naziunal duai exprimer l’attaschament ad ina manifestaziun d’ina fervur cuminaivla.
  • Simona Martinoli
    Istoricra d'art, GSK
    Jau sun spanegiada sin la sfida da chattar ina soluziun moderna per l'imni actual e ma legrel da ma far patratgs davart la noziun "identitad naziunala".
  • Simona Galeazzi
    Translatura
    Mes giavisch èsi ch'il project intimeschia nus tuts da reflectar davart nossa identitad, senza far da quella in instrument.
  • Karl Scheuber
    Dirigent
    L'imni duess avair ina gronda acceptanza, ma tuttina betg esser memia dultsch. El duess exprimer nossa multifariadad en l'unitad (u viceversa).
  • Sabine Steiger
    Schurnalista
    L'imni naziunal è per mai il pendant acustic a la crusch svizra. Sco ina da las democrazias las pli veglias e stabilas dal mund merita noss pajais in imni degn.
  • Ivica Petrušić
    Incumbensà per la giuventetgna dal chantun da Turitg
    Jau sper sin propostas creativas che correspundan e satisfan a la cumplexitad sociala da noss pajais.
  • Ursina Giger
    Musicista
    Jau giavisch in'innovaziun ed in rinfrestgament da l'imni existent uschia ch'ins ha plaschair d'al chantar.
  • Pia Seiler
    Schurnalista
    Igl è ordvart interessant da pudair collavurar al process da chattar ina nova melodia, in nov text per la Svizra dals proxims decennis u schizunt tschientaners – quai vegnan noss descendents a decider.
  • Andri Perl
    Scriptur e student
    El duess transportar las valurs dal stadi federal modern, esser chapibel e simpel da chantar per tuts, ma tuttina poetic. I dovra natiralmain in pau patos.
  • Diana Segantini
    Manadra cultura RSI
    Jau giavisch ina discussiun publica cun ils auters commembers da la giuria per pudair uschia chattar in imni che correspunda al temp dad oz ed a nossas valurs da basa actualas.
  • Iso Camartin
    Autur e publicist
    En muments particulars affirmescha el la cohesiun naziunala.
  • Kurt A. Zurfluh
    Schurnalist
    Da m'engaschar per l'imni è per mai in'incumbensa morala, però er ina sfida.
  • Emil Wallimann
    Scolast da musica, cumponist e dirigent
    Tenor mai èsi in project fitg interessant e bunamain nunpussaivel. Igl è bel da pensar da nov davart chaussas ch’eran evidentas.
  • Philipp Wagner
    Cumandant dal center da cumpetenza da la musica militara
    El represchenta mia patria – e la patria è la, nua che jau ma sent bain.
  • Raphael Urweider
    Autur e musicist
    Tenor mai èsi in project fitg interessant e bunamain nunpussaivel. Igl è bel da pensar da nov davart chaussas ch’eran evidentas.
  • Jörg Schild
    President Swissolympic
    Cura che jau giugava anc en la squadra naziunala da ballamaun, ma legrava jau bunamain uschè fitg sin l'imni sco sin il gieu.
  • Alex Miescher
    Secretari general Associaziun svizra da ballape
    L'idea da reflectar tge che l'imni duai esser, ma fascinescha. Schebain ins creescha, suenter ina reflexiun fundada, insatge tut nov, ina retuscha u ina confessiun d'enfin ussa, quai lasch jau avert.
  • Karin Niederberger
    Presidenta Associaziun federala da jodladers
    L'imni sto esser collià cun nossas tradiziuns enragischadas, e quai da maniera autentica.
  • Jean-Marc Richard
    Moderatur, producent ed ambassadur
    Il plaschair da l'inscunter e da l'esser ensemen per partir en in avegnir cuminaivel ma plascha vi da quest project.
  • Guido Pedrojetta
    Docent e cussegliader da studi
    Jau sper ch'ins chattia per la musica ed il text ina basa che lascha resortir la Svizra sco pajais quadriling cun quatter culturas.
  • Valérie Ogier
    Moderatura e producenta
    L’imni naziunal futur sto tegnair ensemen la Svizra cun agid da la musica e dal text, el sto respectar quai che la Svizra è: in’allianza, per la quala la diversitad e la neutralitad èn impurtantas, e che vul esser in refugi ... ed anc auter pli!
  • Claude-André Mani
    President da l'Uniun svizra da chors
    In criteri per l'imni naziunal è ch'il text duai esser chapibel ed avair in messadi da fidanza e speranza.
  • Alois Koch
    Musicolog e dirigent
    In nov imni naziunal duess esser attractiv per pliras generaziuns e per plirs status.
  • Janett Madlaina
    graficra e musicista
    Dumondas davart l'identità dad üna cumünanza e davart la rapreschantaziun d'identità am interessan fich ferm.
  • Esther Girsberger
    Publicista
    Il nov imni duai integrar il modern senza negar il vegl.
  • Jean-Louis Dos Ghali
    Dirigent da chor
    Tuts ston pudair chantar la musica, ella na dastga betg esser memia cumplitgada, uschia ch'ella daventa spert usitada per la populaziun.
  • Thomas Biasotto
    Leader da band
    L'imni naziunal è ina punt musicala vers la Svizra.
  • Patrizia Pesenti
    Svilup d'interpresa Ringier
    Per la Svizra taliana, ch'è ina minoritad linguistica, è l'imni naziunal fitg impurtant. El intermediescha appartegnientscha, il sentiment dad esser ina part d'in pitschen stadi grondius.
  • Oscar Knapp
    Commember dal cussegl d'administraziun SRG SSR
    Mes giavisch è che nus possian proponer al Cussegl federal ina nova ediziun bain chapibla e plain schlantsch da l'imni naziunal actual.
  • Christine Beerli
    Vicepresidenta dal CICC
    Jau hai acceptà, perquai che jau pens ch'i saja impurtant da ponderar davart quai che collia en quest temp da discordia – jau vi contribuir mia part a quai.
  • Franco Lura
    Directur dal center da dialectologia ed etnografia Bellinzona
    Jau sper ch'i reusseschia da crear in imni che resguarda la tradiziun e l'istorgia da la Svizra e ch'è il medem mument però er actual e correspunda a las midadas socialas dal pajais.
  • Pierre Kohler
    President da la citad da Delémont
    La melodia da l'imni actual sveglia in sentiment d'appartegnientscha, ma ils pleds n'ans commovan betg.
  • François-Xavier Amherdt
    Professer per teologia pastorala
    Sco la bandiera simbolisescha l'imni naziunal la Svizra en sia particularitad e singularitad: el po procurar che l'unitad tranter las regiuns linguisticas da noss pajais cuntinueschia da maniera intensivada.

Dechanter las valurs sviras

In nov imni naziunal duai exprimer las valurs centralas e la concepziun dal stadi da la Svizra. Perquai ha la Societad svizra d'utilitad publica (SSUP) lantschà ina concurrenza d'artists per crear in nov imni naziunal svizzer. 208 contribuziuns èn vegnidas inoltradas da tuttas parts dal pajais dal schaner fin il zercladur 2014. La giuria d'experts che sa cumpona da 30 persunas ha tschernì il december 2014 set contribuziuns da concurrenza che duain prender part al voting online.En in'emprima runda da votaziun han ins tschernì ils trais finalists. Quels han la finala fatg ina cursa piz a cup fin il final dals 12 da settember 2015. Il nov text da l'imni sa basa sin il text introductiv da la Constituziun federala e cuntegna valurs sco pasch, libertad, democrazia, independenza e solidaritad.

Ils novs texts da l'imni naziunal vegnan distribuids en tut la Svizra

l text introductiv da la Constituziun federala svizra dal 1999 è il maletg directiv da la Svizra moderna. Il preambel cuntegna las valurs centralas da nossa societad: democrazia, unitad en la multifariadad, libertad, pasch, solidaritad, independenza, responsabladad envers la creaziun, per il bainstar dals flaivels ed envers las generaziuns futuras.

Actualitads

Ils novs texts da l'imni naziunal vegnan distribuids en tut la Svizra

31. March 2016
Il text introductiv da la Constituziun federala svizra dal 1999 è il maletg directiv da la Svizra moderna. Il preambel cuntegna las valurs centralas da nossa societad: democrazia, unitad en la multifariadad, libertad, pasch, solidaritad, independenza, responsabladad envers la creaziun, per il bainstar dals flaivels ed envers las generaziuns futuras.

Gronda participaziun a la votaziun

22. September 2015
«Da la concurrenza per in nov imni naziunal datti sulettamain victurs e nagins perdents», accentuescha il president da la SSUP Jean-Daniel Gerber a chaschun da la proclamaziun dals rangs ils 12 da settember ad Aarau. Var 800'000 giadas èn vegnidas tadladas las differentas propostas per in nov imni naziunal.

Widmer suonda Widmer

21. September 2015
L'onn 1841 scriva il Turitgais Leonhard Widmer il text per l'imni naziunal svizzer dad oz. 174 onns pli tard gudogna ses numalin, il Turitgais Werner Widmer, la concurrenza d'artists per in nov text tar la melodia da l'imni dad Alberik Zwyssig.

La giuria

Ella consista da var 30 expertas ed experts da las spartas musica, text, schurnalissem, da represchentantas e represchentants d'associaziuns sportivas e culturalas ed era da persunas cun ina stretga relaziun cun l'imni naziunal e/u cun las tradiziuns svizras. Ils commembers da la giuria examineschan e giuditgeschan las contribuziuns da concurrenza inoltradas.
Andri Perl
Scriptur e student
Iso Camartin
Autur e publicist
Kurt A. Zurfluh
Schurnalist
Christine Beerli
Vicepresidenta dal CICC

Imni naziunal

Il preambel da la Constituziun federala serva sco basa per il nov text.

En num da Dieu il Tutpussant!
Il pievel svizzer ed ils chantuns,
en lur responsabladad envers la creaziun,
cun l'intenziun da renovar la lia, per mantegnair
la libertad e la democrazia, l'independenza e la pasch
en solidaritad ed avertadad vers il mund,
cun la voluntad da viver lur varietad
en l'unitad en toleranza e respect vicendaivel,
conscients da las prestaziuns communablas
e da la responsabladad envers las generaziuns futuras,
savend che liber è be quel che dovra sia libertad
e che la fermezza dal pievel sa mesira
vi dal bainstar dals flaivels.